Rahtea hi fahrah a ni a, a nu chu nuhrawn a ni a. A nuhrawn chuan a tirethei em em thin a, silhfen tha pawh a nei lo va, kawr tet tak hi a ha thin a. A chaw atan favai hram chauh hi a pe thin a, a cher em em a. A nuhrawn chuan hna harsa tak takte a thawhtir a, a hah changa a chawlh pawh a phal lo va, a haw nasa em em a, Rahtea chu a khawngaihthlak em em a. Rahtea chu a nuhrawn chuan a thihna tur a ngaihtuah nasa hle a, a tawpah chuan hetiangin a lo ngaihtuah ta a, “Ka na der vak ang a, inthawi nan, ‘Rahtea kan talh loh chuan ka thi ang,’ ka ti ang a, a tha ang,” a ti a. Tichuan a pum a tina der ta vak a, an Sial te, Kel te, Ar te, Vawk te, Ui te chuan an thawi a, engmah a sawt lo va. Inthawi nan an ran zawng zawng an talh zo ta si a.
Rahtea pa chuan, “Ran zawng zawngin kan thawi tawh chia, i dam thei chuang si lo, engtin nge kan tih ang le?” a ti a. A nupui chuan, “Ran dang pawhin min thawi leh mah la, ka dam chuang lovang, Rahtea hian min thawi la ka dam ngei ngei ang,” a ti a. Rahtea pa chuan a ngaihtuah nasa ta em em a. Tin, Rahtea chuan a nuhrawn thusawi kha a rukin a lo hria a, a hlau em em a, ramhnuaiah a tlanbo ta daih mai a. Tin, a tlanbo tih an lo hriat chuan pawi an ti em em mai a, “Rahtea chu engtin nge kan koh hawn leh theih ang aw! ‘Khuang kan chawi dawn’ ti ila, a lo haw mai ang,” an ti a. Rahtea u chu ko turin a va kal a, Rahtea chu Thingsiri kungah a lawn a, a par zu a lo tlan a. A u chuan:
“Rahte, Rahte, lo hawng rawh,a, Rahtea chuan,
I nu’n khuang a chawi dawn e,
I pa’n khuang a chawi dawn e,
Rahte, Rahte, lo hawng rawh,”
“Ka u, ka u, kir leh tawh,a lo ti a, a haw duh lo va. A u chu an in lamah a va haw a, a nu leh a pa hnenah, “Ka koh pawhin a lo kal duh lo,” a ti a, a tih dan zawng zawng a sawi vek a. A nuhrawn chuan a pi a tir leh a, “Nangin va ko la, Rahtea chu a lo hawng duh ang e,” a ti a. A pi chu a kal ve ta a, Rahte u koh angin a han ko ve a, Rahtea chuan,
Ka thin ka lung in eia ai chuan,
Thingsiri par ka tlan e,
Ka puar e, ka fan e,”
“Ka pi, ka pi, kir leh tawh,a lo ti leh ta mai a, a pi pawh chu a haw leh ta a.
Ka thin ka lung in eia ai chuan,
Thingsiri par ka tlan e,
Ka puar e, ka fan e,”
Chumi hnu chuan a pain a va ko ve a, a u leh a pi a chhan dan bawkin a lo chhang leh ta mai a. A pa pawh chu beidawng takin a haw leh ta mai a, a nuhrawn chuan, “Keiin ka ko ve ang e,” a ti a, ko turin a kal ta a.
“Rahte, Rahte, lo hawng ra’wh.a ti a, Rahtea chuan,
I nu’n khuang a chawi dawn e,
I pa’n khuang a chawi dawn e,
Rahte, Rahte, lo hawng rawh,”
“Ka nu mi ngai ma’nang che,a ti a. Therengah a chang a, a thlawk bo ta daih a.
Keiin ka ngai ma’nang che—reng,”
A Tawp Ta ...
Thulakna: Mizo Thawnthu (Darchhawna)
Tags:
Thawnthu
